මැණික් යනු මොනවාද? මැණික් යනු ඉතා දුර්ලභ ඛනිජ විශේෂ වේ. සරල විග්‍රහය අනුව අලංකාරය සහ කල් පැවැත්ම අනුව තෝරාගත් ස්වාභාවික ඛනිජ වර්ග කපා ඔප දමා මිනිසුන්ගේ අලංකරණයට හා භාවිතයට යොදා ගන්නා ගල් වර්ගයි. එමෙන්ම මුතු හා ඇම්බර් ජීවීන්ගෙන් ඇතිවන වටිනා ද්‍රව්‍ය වේ. මැණික් ඇති වන්නේ කෙසේද? මැණිකක් සෑදීමට අවශ්‍ය මූලද්‍රව්‍ය එකතු වීම මෙන්ම අලංකාරයෙන් යුතු පාරිශුද්ධ වස්තුවක් ලෙස එය ඇතිවීම ඉතා දුර්ලභ අවස්ථාවකි. සරලව පැවසුවහොත් පොළොව මධ්‍යයේ ඇති ලාවා ගිනිකඳු පිපිරීම් මගින් පොළොව මතුපිටට පැමිණේ. ලාවා පාෂාණ,ඛනිජ ලෙස තැන්පත් වෙයි.ඒවා පොළොව මතුපිටට පැමිණීමේ දී පීඩනයට, තාපයට, ස්වභාවික ක්‍රියාකාරකම් වලට යටත් වී විවිධ වූ මැණික් වර්ග රසායන සංයුතීන් අනුව එකතුවී හැදෙයි.මෙය මතුපිට සිට කිලෝමීටර් 400ක් දක්වා පරාසයක විහිදී ඇත. වසර මිලියන 150කට පමණ පෙර නිර්මාණය වූ නිල් මැණික් හා රතු මැණික් ද වසර මිලියන 970 ක සිට බිලියන 3.2 ක කාලයකට පෙර නිර්මාණය වූ දියමන්තිද අද අපට පොළොව මතුපිටින් හමුවී ඇත. මෙය පෘථිවිය තුල දිගටම සිදුවන ක්‍රියාවලියකි. මෙය පාෂාණ චක්‍රය නම් වේ. දියමන්ති නිල් හා රතු මැණික් පෙරිඩොට් ඉතා ගැඹුරු පරිසරයක නිර්මාණය වේ. එමෙන්ම පොළව අභ්‍යන්තරයේ දැඩි තාපය හා පීඩනය නිසා ද නිල් මැනික් ,රතු මැණික් ,කිරිංචි, ගෝමේද ආදි මැණික් නිර්මාණය වේ. එමෙන්ම ඛනිජ වර්ග බහුල ලාවා සිසිල් වීමේදීද මැණික් නිර්මාණය වේ. එමෙන්ම අවසාදිත ජලය තැන්පත් වීම නිසා ද මැලචයිට්,අසුරයිට්,ඹ්පල් ආදී මැණික් නිර්මාණය වේ. මැණික් වලට වටිනාකමක් ලැබෙන්නේ කෙසේද? Egyptians used gemstones A Drawing of King Rawana A Blue Sapphire Necklace of Queens Elizabeth කල්පැවැත්ම,දුර්ලභ බව,පිළිගැනීම,අලංකාරය වැනි සරල කාරණා මෙන්ම, ජ්‍යොතිෂය (Astrology)අනුව ග්‍රහ බලපෑම් අවම කරගැනීමට, සුවකිරීමේ(Healing) ක්‍රමවේද අනුව ශරීරයේ චක්‍රා වල බලය වැඩි කිරීමට, අභ්‍යවකාශ යානා වලට, ගුවන්යානා වලට, චන්ද්‍රිකාවලට, දුරකථන ආදී සන්නිවේදන උපකරණ නිර්මාණයට, දිගුකල් පවත්නා ඔරලෝසු ආදී උපකරණ නිර්මාණයට මැණික් භාවිතා වේ. අද කාලයේ විශේෂයෙන් ආයෝජනයට මෙන්ම මුදල් විශුද්ධිකරණයට මැණික් භාවිතාවේ. Invest in Gemstones Research Stats by GemLuck Team ඩොලර් බිලියන ගණනක් වුවත් ඇඟිලි ප්‍රමාණයට ගැනීමට එක් මිණිකැටයකට හැකියාව ඇත. එම නිසා මැණික් යනු ඉතා හොඳ මුදල් ආරක්ෂකයෙක් මෙන්ම ආයෝජකයෙකි. සුව කිරීමේ හැකියාව විද්‍යාත්මකව ඔප්පු කර ඇත.ඕරාව පරීක්ෂාකර චක්‍රා බලවත් කිරීමට මැණික් පැලඳීම දියුණු රටවල බහුලව සිදු කරයි.මේ සඳහා විද්‍යාත්මකව නිපදවූ උපකරණ තිබේ. World Gemstones Map ශ්‍රී ලංකාවේ හමුවන මැණික් වල විශේෂ ගුණ ඇත. එමෙන්ම එම ස්වභාවික මැණික් වලට ලෝක වෙළෙඳ පොළේ ඉතා ඉහල වටිනාකමක් ලැබේ. ඈත අතීතයේ සිටම රජවරුන්, රාවණා වැනි බලපරාක්‍රමයන් පැතිරවූ බලවත් පුද්ගලයින්, සියලුම දෙවියන්, ඊජිප්තු පිරමීඩ, සංක්‍රමණික වෙළෙන්දන්, පර්යේෂකයන් සම්බන්ධ සෑම පුරාවෘත්තයකම, ඔවුන් භාවිත කළ ආභරණ හා විවිධ වූ ආයුධ මෙන්ම උපකරණ වල ද මැණික් භාවිතා වූ බව අපට පසක් වේ. විශේෂයෙන් කානේලියන් වැනි මැණික් වර්ග රජවරුන් තමන්ගේ කාම ශක්තිය වැඩිකරගැනීමට භාවිතා කර ඇත. Gravity map of the World ශ්‍රී ලංකාව තුළ හමුවන මැණික් ඉතාම ඉහල පාරිශුද්ධත්වය කින් සමන්විතය. මැණිකක් තුළ තිබිය යුතු නියමාකාර රසායනික ප්‍රතිශතය ඇත. එමෙන්ම ලොව අඩුම ගුරුත්වයක් ඇති භූමියේ මතුවන නිසා විශ්ව ශක්තිය ආකර්ෂණය කිරීමේ බලය වැඩිය. මෙය ශ්‍රි ලංකාව තුළ ජනනය වන සෑම ජීවියෙකු තුලද දැකිය හැක. විශේෂයෙන් ශ්‍රි ලංකාවෙන් බිහිවන බුද්ධිමතුන් හා ඔවුන්ගේ ජාන ඉතා බලවත්ය , ඵල දරන සියලුම ශාක ආහාර විශේෂ පෝෂණ ගුණයෙන් වැඩිය. එම නිසා මේ භූමිය තුළ පර්යේෂණ අනුව ශ්‍රී ලංකාදීපයේ 25% ක් ඇති මැණික් සම්පත තුළද මෙම විශ්ව ශක්තියට ඇති ආකර්ෂණය වැඩි වීම නියතය. Healing මැණික් මගින් සුව කිරීමේ හැකියාව සෑම මැණික් ගලකම කම්පන ප්‍රමාණයක් ඇත. විශේෂයෙන් පළිඟු (Quartz) හා මනුෂ්‍යයාගේ කම්පන සංඛ්‍යාතය සමාන වේ. එවිට මනුෂ්‍ය ශරීරය තුළ සඛ්‍යාතයේ යම්කිසි දුර්වලතාවයක් ඇති වන විට පළිඟු (Quartz) සම්බන්ධ මැණිකක් පැළදීමෙන් එය සමබර කරගත හැක. මේ සියලු දේවල් අද බටහිර විද්‍යාවද ඔප්පු කර ඇත. එමෙන්ම ශරීරය පවතින චක්‍ර දුර්වල වීමේ දී අපට විවිධ කටයුතු සිදු කර ගැනීම අපහසු වේ. ඒ සඳහා චක්‍ර සඳහා වෙන්වූ මැණික් සංඛ්‍යාතය මෙන්ම වර්ණ අනුවද සුව කිරීම සඳහා භාවිතා වේ. එම නිසා මැණික් යනු හුදෙක් මුදල් මත පමණක් පදනම් නොවූ ඉතා ගැඹුරු විෂයයකි. මෙය වසර ගණනාවක් අධ්‍යයනය කළද තවදුරටත් හැදෑරිය හැකි දිගු විෂයපථයකි. Astrology ජෝතිෂ්‍ය හා සම්බන්ධ මැණික් විශ්වයේ පවතින හිතකර අහිතකර කිරණ අප වෙත ළඟාවීමේ දී එය තෝරා බේරා ලබාගැනීමට මැණික් මැණික් නමැති පාෂාණවලට හැකියාව ඇත.දුර්වල මනසක් ශක්තිමත් කිරීමට විභව ශක්තියක් මැණික් ගලක ඇත.ඒ සඳහා භාවිත කරන මැණික් ස්වභාවිකව ලබාගත් ,පිරිසිදු මැණික් විය යුතුයි. මෙය පෙරදිග ජෝතීර් විද්‍යාව අනුව භාවිතාවිතා වන ක්‍රමවේදයකි. මැණික් ප්‍රතිකාරය ලෙස හඳුන්වයි. ඔබට ගුරුත්වය නමැති බලය තිබෙනවා යැයි දැනුනත් එය නොදන්නා සේම මෙයද ප්‍රායෝගිකවම අත්දැකිය යුතු දෙයකි. ඒ සඳහා ඔබ සන්සුන් මනසක් ඇති කර ගැනීම අත්‍යාවශ්‍ය වේ. ජෝතිෂ්‍ය විද්‍යාව ඍෂිවරුන්ගෙන් පැවත එන නිසා මනස දියුණු කළ අය සොයාගත් කරුණු නූතන විද්‍යාව අනුව ඔප්පු කිරීම සඳහා කාලයක් ගත වනු ඇත. ඔයාලගේ දැනුමත් හුවමාරු කරගන්න. සියලු දෙනාට ජය වේවා!!!. තෙරුවන් සරණයි!!! සම්පත් සමරසේකර Sampath Samarasekara Chairman : Gemological Institute of Ceylon Chairman : Youth Gem Professionals Association Chairman : Sampath Gems Director : Ceylon Sapphire Gems and Jewels Director : Ceylon Gem Fair International Chairman : Nanosoft Web Develop Company Direct WhatsApp : https://wa.me/message/2A4AUALYVQWRA1 Join with Gemological Institute of Ceylon Facebook Page : https://www.facebook.com/giceylon Facebook Group : https://www.facebook.com/groups/1990653001208203 Facebook Profile : GI Ceylon Websites : www.giceylon.com www.bluesapphire.lk www.gemluck.com www.buyroughgems.com www.ceylongemfair.com මැණික් හා ස්වර්ණාභරණ ව්‍යයාපාරයේ ගැටලු සාකච්ඡා කිරීම සඳහා අපගේ telegram සමූහය හා එක්වන්න. https://t.me/joinchat/Q5cLnxilNw4xAr8T3TumfA තරුණ මැණික් වෘත්තිකයන්ගේ සංගමයේ Facebook සමූහය සඳහා පහත link භාවිතා කරන්න. https://www.facebook.com/groups/755511404627847/?ref=share All images and text content Copyrighted ©️[learn_press_profile]

වෙනත් ව්‍යාපාරකයක හෝ රැකියාවක නිරතවන අතරතුර මැණික් හා ස්වර්ණාභරණ කර්මාන්තයට අවතීර්ණ වන්නේ කෙසේද? දැනටමත් සාර්ථකව යම්කිසි ව්‍යාපාරයක හෝ වෘත්තියක නිරත වන්නේනම් මැණික් ව්‍යාපාරයට අවතීර්ණවීමට ඔබ මූලික සුදුසුකම් සපුරා ඇත. එනම් ඔබට ආදායමක් තිබෙන නිසා අවදානම අඩුය. එවිට ඔබ මිලදී ගන්නා මැණික් කඩිමුඩියේ විකිණීමට අවශ්‍ය නොවේ. ඔබගේ පාරිබෝගිකයා හා වැඩිම මිලක් ගෙවන තැනැත්තා හමුවනතුරු හොඳ උත්සාහයක යෙදීය හැක. පළමුව අප රට තුළ හමුවන හා වෙනත් රටවලින් ගෙන්වන මැණික් ගැන,මූලික මිල ගනන් ගැන අවබෝධයක්, අධ්‍යාපනයක් ප්‍රායෝගිකව ලබා ගත යුතුය. ව්‍යාජ මැණික්, තාප කරණය, දුර්ලභ මැණික් ගැනද ඉගෙන ගැනීම ඔබට විශාල පිටුවහලක් වේ. මෙහිදී අද ලෝකයේ වැඩියෙන්ම ඉල්ලුමක් ඇති මැණික් වර්ග ඉගෙන ගැනීම ඔබට ඉක්මනින් ව්‍යාපාරයට අවතීර්ණ වීමට පහසුවක් වේ. දෙවනුව කුඩා මුදලක් ආයෝජනයෙන් මැණික් මිලදී ගැනීමට පිවිසිය හැක.ඒ අතරතුර ව්‍යාපාරය ලියාපදිංචි කිරීම බලපත්‍ර ලබා ගැනීම වැනි වැඩ කටයුතු සිදු කළ හැක.මෙහිදී ලෝකය පිළිගන්නා සහතික පත්‍ර ලබා දෙන ආයතන ගැන දැනගැනීම වැදගත් වේ. ඔබට රළු ආකාරයටම මිලදීගෙන විකිණිය හැක. එනම් කපා ඔප නොදමාද මැණික්වලින් ලාභ ලබාගත හැක. තෙවනුව ඔබ සතුව ඇති මැණික් විකිණීම සඳහා වෙළඳපොලක් සෙවීම හා පාරිභෝගිකයන් අතරට නවීන තාක්ෂණය භාවිතා කරමින් ඔබගේ ව්‍යාපාරය ගෙන යාම සඳහා වැඩ කිරීම සිදු කළ හැක. තෙවැනි අදියරට පැමිණීමෙන් පසු දිනපතා මැණික් මිලදී ගන්නා අතරතුර විකිණීම කිරීමට ඔබට හැක. බොහෝ ආධුනිකයන් මැණික් ගැන අවබෝධයකින් තොරව අන් අය සතු මැණික් විකිණීමට යාමෙන් මුල් අදියරේ දී ම ව්‍යාපාරයෙන් බැහැර වේ. එම නිසා ඉතා ඉවසීමකින් ප්‍රායෝගික දැනුම වැඩි කරගෙන මෙම ව්‍යාපාරයට පිවිසෙන්න. ඔයාලගේ දැනුමත් හුවමාරු කරගන්න. සියලු දෙනාට ජය වේවා!!!. තෙරුවන් සරණයි!!! සම්පත් සමරසේකර Sampath Samarasekara Chairman : Gemological Institute of Ceylon Chairman : Youth Gem Professionals Association Chairman : Sampath Gems Director : Ceylon Sapphire Gems and Jewels Director : Ceylon Gem Fair International Chairman : Nanosoft Web Develop Company Direct WhatsApp : https://wa.me/message/2A4AUALYVQWRA1 Join with Gemological Institute of Ceylon Facebook Page : https://www.facebook.com/giceylon Facebook Group : https://www.facebook.com/groups/1990653001208203 Facebook Profile : GI Ceylon Websites : www.giceylon.com www.bluesapphire.lk www.gemluck.com www.buyroughgems.com www.ceylongemfair.com මැණික් හා ස්වර්ණාභරණ ව්‍යයාපාරයේ ගැටලු සාකච්ඡා කිරීම සඳහා අපගේ telegram සමූහය හා එක්වන්න. https://t.me/joinchat/Q5cLnxilNw4xAr8T3TumfA තරුණ මැණික් වෘත්තිකයන්ගේ සංගමයේ Facebook සමූහය සඳහා පහත link භාවිතා කරන්න. https://www.facebook.com/groups/755511404627847/?ref=share All images and text content Copyrighted ©️[learn_press_profile]

මැණික් හදුනාගැනීමේ පාඨමාලාවක් හැදෑරීම මැණික් කර්මාන්තයට පිවිසීමට ප්‍රමාණවත්ද?

මෑත කාලීනව සීඝ්‍ර දියුණුවක් ලබාඇති මැණික් හා ස්වර්ණාභරණ කර්මාන්තය අදටත් ප්‍රායෝගික දැනුම මත පමණක් රළු මැණික් මිලදී ගැනීමේ සීමාවෙ ඇත. එනම් රළු මැණිකක් මිලදී ගැනීමේදී එය රසායනාගාර පරීක්ෂණයකට ලක් කිරීමට ඇති හැකියාව ඉතා අවමය. එනම් පතලයක හෝ අහඹු ලෙස හමුවන මැණිකක් එම තැනැත්තා හෝ පිරිසකගෙන් මිලදී ගැනීමේදී එය ජාතික මැණික් හා ස්වර්ණාභරණ අධිකාරියට හෝ වෙනත් පිළිගත් ආයතනයකින් පට්ටම් දමා පරික්ෂා කර එහි වර්ගය දැනගෙන එයට මිලක් නියම කිරීම ප්‍රායෝගිකව කිරීම ඉතා අපහසුය. විශේෂයෙන් පතල් කර්මාන්තයේ යෙදෙන කිසිවකු එයට අකැමැතිය. එය මැණික් කර්මාන්තයේ ඇති වාසනාව උරගා බැලීමේ මෙන්ම දැනුම මත මැණික් මිලදී ගැනීමෙන් වැඩි ලාභ ලබා ගැනීමට ඇති හැකියාව මත තීරණය වේ. එම නිසා ඔබට ආයතනයක් තුළ පමණක් මැණික් ගලක සංයුතිය, එයි ස්පඨික ස්වභාවය, භෞතික ගතිගුණ ඉගෙනගෙන මැණික් පොළකට පැමිණ මිලදී ගැනීමට යාමේදී විශාල ගැටලු ප්‍රමාණයකට මුහුණ දීමට සිදුවේ. උදාහරණයක් ලෙස කෘතිමව නිපදවූ මැණිකක් විශාලනය කර ඒ තුළ ඇති ස්වභාවයන් හඳුනා ගැනීම සිදු කළ නොහැක. එදිනෙදා මුදලක් සෙවීමට උත්සාහ ගන්නා පිරිසක් නිතරම අධුනිකයන් හට නොවටිනා මිලකට මැණික් විකිණීමට උත්සාහ ගන්නවා නිතරම මා දැක ඇත. ආධුනික ඔබ මැණික් පොළට පැමිණීමේදී දැනුමක් ඇති විශ්වාසවන්ත කෙනෙකු සමග පැමිණ වෙළෙඳපොළ හඳුනාගෙන ,මිනිසුන් හඳුනාගෙන, රළු මැණික් මිලදී ගැනීමට පිවිසෙන ලෙස ඉල්ලා සිටිමි. ඔබ ලෝකයම පිළිගත් සහතිකයක් ලබා පැමිණියද ඔබට නොවටිනා මැණික් විකිණීමට ඉතා දක්ෂ පිරිසක් මගබලා සිටී.ඔබ මැණික් ගලක් මිලදී ගැනීමේදී කිසිවිටකත් විකුණුනා කෙනා පවසන දෙය නොව ඔබගේ දැනුම එයට යොදා ගන්න. එමෙන්ම කපා ඔප දැමිය හැකි ආකාරය හා අවසාන බර ප්‍රමාණය, පලුදු වර්ග කිරීම, වර්ණ ශ්‍රේණිගත කිරීම, මැණික් ගලක් හමු වන රට අනුව නියම වන මිල, මැණික් වර්ග අනුව මිල ගණන් තීරණය කිරීම සහ විකිණිය හැකි වෙලදපල ගැන නිතරම අධ්‍යයනය කරන්න. ඔයාලගේ දැනුමත් හුවමාරු කරගන්න. සියලු දෙනාට ජය වේවා!!!. තෙරුවන් සරණයි!!! සම්පත් සමරසේකර Sampath Samarasekara Chairman : Gemological Institute of Ceylon Chairman : Youth Gem Professionals Association Chairman : Sampath Gems Director : Ceylon Sapphire Gems and Jewels Director : Ceylon Gem Fair International Chairman : Nanosoft Web Develop Company Direct WhatsApp : https://wa.me/message/2A4AUALYVQWRA1 Join with Gemological Institute of Ceylon Facebook Page : https://www.facebook.com/giceylon Facebook Group : https://www.facebook.com/groups/1990653001208203 Facebook Profile : GI Ceylon Websites : www.giceylon.com www.bluesapphire.lk www.gemluck.com www.buyroughgems.com www.ceylongemfair.com මැණික් හා ස්වර්ණාභරණ ව්‍යයාපාරයේ ගැටලු සාකච්ඡා කිරීම සඳහා අපගේ telegram සමූහය හා එක්වන්න. https://t.me/joinchat/Q5cLnxilNw4xAr8T3TumfA තරුණ මැණික් වෘත්තිකයන්ගේ සංගමයේ Facebook සමූහය සඳහා පහත link භාවිතා කරන්න. https://www.facebook.com/groups/755511404627847/?ref=share All images and text content Copyrighted ©️[learn_press_profile]

මැණික් හා ස්වර්ණාභරණ කර්මාන්තය ගැන ඉගෙනගැනීම වැදගත් වන්නේ ඇයි? එයට පහසුවෙන්ම අවතීර්ණ විය හැක්කේ කාටද?

මෙම කරුණු සැකසීමේදී මාගෙන් ප්‍රායෝගිකව මැණික් හා ස්වර්ණාභරණ කර්මාන්තය ගැන ඉගෙන ගත් විදේශිකයන්ගෙන් මෙන්ම දේශීය වෘත්තිකයන්ගේ අදහස් එකතුකරගෙන ඇත. ලෝකය වසංගත තත්වයක් හමුවේ වුවත් අපගේ මැණික් හා ස්වර්ණාභරණ කර්මාන්තය ගැන විශාල පිරිසක් මේ මොහොතේත් ලොව පුරාම ඉගෙන ගනිමින් පවතී. මෙම කර්මාන්තයේ සාක්ෂි ඉතිහාසය පුරාවටම පුරාවිද්‍යාත්මක නටඹුන් සමග හමුවී ඇත. තවදුරටත් හමුවෙමින් පවතී.පිරමීඩවල, රජ මාළිගාවල මෙන්ම විවිධ ව්‍යසනවලින් විනාශවීගිය නගරවල තිබී ආභරණ, මැණික් හා ස්වර්ණාභරණ පිරවූ භාජන, වස්තුව ලෙස ඒවා රැස්කල අයගේ කාමර අදටත් හමුවේ. එය ඉතිහාසයෙත් වර්තමානයෙත් අනාගතයේත් විවිධ අවස්ථා සඳහා මැණික් හා ස්වර්ණාභරණ දිගටම පැළැඳි හා පළඳින බවටත් ඒවා ආයෝජනයක් ලෙස ළඟ තබා ගන්නා බවත් අපට පසක් කරයි. එමෙන්ම දිනපතා මා හට ලැබෙන ඉල්ලුම අනුව විදේශිකයින් ඉතාමත් උනන්දුවෙන් ව්‍යයාපාරයෙ නිරත වන බවට මා හට සාක්ෂි ඕනෑ තරම් ඇත. දේශීය වෙළඳපොල තුළ මැණික් හා ස්වර්ණාභරණ සඳහා මුදල් සංසරණය නොවීමට හේතුව තාක්ෂණය හා එකතුවූ පිරිසක් නොමැතිවීමයි. ලෝකයේ ඉල්ලුමට සරිලන මැණික් හා ස්වර්ණාභරණ සැපයීමට අපට තවමත් ප්‍රමාණවත් තරම් අන්තර්ජාලය හරහා වෙළෙඳාම් කළ හැකි පිරිසක් නොමැත. මේ ලිපිය සකසන මොහොතේ මාගේ විදේශ ගැනුම් කරුවන් හට යැවීමට අවසාන අදියරේ ඇති මැණික් එකතුවක් ජාතික මැණික් හා ස්වර්ණාභරණ අධිකාරියට යොමු කර ඇත. මැණික් හා ස්වර්ණාභරණ කර්මාන්තය ඉගෙන ගැනීම වැදගත් වන්නේ එය නොනැසී පවතින කර්මාන්තයක් නිසාය. එමෙන්ම අද ලෝකයේ වර්ණවත් මැණික් විවාහ ගිවිස ගැනීම් සඳහා මෙන්ම සියලුම ආභරණ සඳහා විශාල වශයෙන් භාවිතා කරයි. බොහෝ ධනවත් පුද්ගලයින් මුදල් වෙනුවට මැණික් හා ස්වර්ණාභරණ ආයෝජනයක් ලෙස හුවමාරු කරයි. එමෙන්ම අන්තර්ජාලය හරහා රළු මැණික් මිලදී ගැනීම මෙන්ම විකිණීමද, කපා ඔපදැමූ මැණික් මිලදී ගැනීම මෙන්ම විකිණීම ද,ස්වර්ණාභරණ සෑදවීම මෙන්ම විකිණීම ද පහසුවෙන් සිදු කළ හැක. ඉහත කරුණු සිදු කර ගැනීම සඳහා ඔබ මූලිකව අද වෙළෙඳ පොළට සරිලන හා අවශ්‍යතාවය පවතින මැණික් ගැන ඉගෙන ගත යුතුය. එමෙන්ම අලුත් වන මැණික් කපා ඔප දමන ප්‍රමිති හා රටා ගැන ඉගෙන ගත යුතුය. විවිධ වූ රටවලට ගැළපෙන ආභරණ ගැන ඉගෙන ගත යුතුය. විශේෂයෙන් ඉංග්‍රීසි භාෂාව හැසිරවීම ඉගෙන ගත යුතුය. මැණික්වල හා ස්වර්ණාභරණවල පැහැදිලි ඡායාරූප ලබාගැනීම ඉගෙනගත යුතුය. අන්තර්ජාලය හරහා පාරිභෝගිකයන් සොයාගැනීම ඉගෙන ගත යුතුය. නීත්‍යානුකූලව ව්‍යාපාරයක් කිරීමට අවශ්‍ය පසුබිම හා සන්නාමයක් සාදාගත යුතුය. අන්තර්ජාලය හරහා විශ්වාසය ගොඩනගාගෙන ගනුදෙනු කරන ආකාරය අධ්‍යනය මෙන්ම එය සාර්ථක කරගැනීම පියවරෙන් පියවර සිදු කරගත යුතුය. ඉහත කී කරුණු සම්පූර්ණ කරගත හැකිනම් මැණික් ව්‍යාපාරයෙ ඇති වැදගත්කමත්, තවත් රැකියාවක් කරන අතරතුර ඉතා සාර්ථකව සිදු කළ හැකි ආයෝජනමය ව්‍යයාපාරයක් බවත් ඔබට පසක් වනු ඇත. එමෙන්ම ඕනෑම අයෙකුට ඉතාම පහසුවෙන් ඉගෙනගතහැකි ව්‍යාපාරයක් බව මා මෙහිදී මතක් කළ යුතුය. එය තවත් වෘත්තියක හෝ ව්‍යාපාරයක යෙදෙන අයට පහසුවෙන් සිදු කළ හැකි වන්නේ ඔවුන්ට දැනටමත් ආදායමක් තිබෙන නිසාය. නමුත් අධ්‍යාපන කටයුතු නිමා කළ අයකුට වුවද තවත් පාඨමාලා හෝ උසස් අධ්‍යාපනය අතරතුරදී මෙම කර්මාන්තය ඉගෙන ගත හැකි නම් ඔබ ලොව කොතනක සිටියත් නොනැසී පවතින මෙම මහඟු මැණික් හා ස්වර්ණාභරණ කර්මාන්තයේ ප්‍රතිලාභ ලබාගත හැක. ලිවීමට බොහෝ කරුණු ඇත. ඔබට තවත් විස්තර දැනගැනීමට අවශ්‍ය නම් කමෙන්ට් කරන්න. ඔබ මෙය කියවන මොහොතේ රටේ ලෝකයේ තත්ත්වය කෙසේ වුවත් අප ඉදිරියට යායුතුය.යා හැකි ක්‍රමවේද පසුගිය ලිපිවලින්ද පවසා ඇත. මාගේ ලිපිවලින් ප්‍රයෝජන ගත් අයගේ දුරකතන ඇමතුම් හා පැසසුම් වලින් තවදුරටත් උදව් අවශ්‍ය අයව ඉදිරියට ගෙනයාමට මා බලාපොරොත්තු වෙමි. ඔයාලගේ දැනුමත් හුවමාරු කරගන්න. සියලු දෙනාට ජය වේවා!!!. තෙරුවන් සරණයි!!! සම්පත් සමරසේකර Sampath Samarasekara Chairman : Gemological Institute of Ceylon Chairman : Youth Gem Professionals Association Chairman : Sampath Gems Director : Ceylon Sapphire Gems and Jewels Director : Ceylon Gem Fair International Chairman : Nanosoft Web Develop Company Direct WhatsApp : https://wa.me/message/2A4AUALYVQWRA1 Join with Gemological Institute of Ceylon Facebook Page : https://www.facebook.com/giceylon Facebook Group : https://www.facebook.com/groups/1990653001208203 Facebook Profile : GI Ceylon Websites : www.giceylon.com www.bluesapphire.lk www.gemluck.com www.buyroughgems.com www.ceylongemfair.com මැණික් හා ස්වර්ණාභරණ ව්‍යයාපාරයේ ගැටලු සාකච්ඡා කිරීම සඳහා අපගේ telegram සමූහය හා එක්වන්න. https://t.me/joinchat/Q5cLnxilNw4xAr8T3TumfA තරුණ මැණික් වෘත්තිකයන්ගේ සංගමයේ Facebook සමූහය සඳහා පහත link භාවිතා කරන්න. https://www.facebook.com/groups/755511404627847/?ref=share All images and text content Copyrighted ©️[learn_press_profile]